Tamil Books

இஸ்லாம் மனித உரிமைகளின் காவலன்

‘எல்லா மக்களும் சமமாகவே படைக்கப்பட்டுள்ளனர். அவர்களைப் படைத்தவன் உயிர் வாழும் உரிமை, சுதந்திரம், மகிழ்ச்சியை நாடும் உரிமை போன்ற அவர்களிடமிருந்து பிரிக்கமுடியாத உரிமைகள் சிலவற்றை அவர்களுக்கு அளித்துள்ளான் எனும் உண்மைகள் தாமாகவே விளக்கம் பெறுகின்றன.’ என்பதாக ஐக்கிய அமெரிக்க விடுதலைக்கான அறிக்கை 1776 குறிப்பிடுகிறது.
வாழும் உரிமை, வழிபாட்டு உரிமை, பண்பாட்டு உரிமை, சமய உரிமை, சமத்துவ உரிமை, கல்வி உரிமை, பேச்சுரிமை, எழுத்துரிமை இப்படியாக பல்வேறுபட்ட உரிமைகள் இருந்தாலும் மனித உரிமைகள்,
* வாழ்வுரிமை
* அரசியல் உரிமை
* பொருளாதார உரிமை
* சமூக உரிமை
* கலாச்சார உரிமை
என ஐந்தில் அடங்கிவிடும். இப்படியான மானுட உரிமைகள் பற்றிப்பேசும் பெரும் நூல்களுக்கான ஒரு வழிகாட்டி நூலாக இந்த நூல் திகழ்கிறது.

Price: INR 180.00

Loading Updating cart…

அதிகாலை வருவதற்கு வெகுநேரமா இருக்கிறது?

அதிகாலை வருவதற்கு வெகுநேரமா இருக்கிறது? (ஒருபால் உறவின் விபரீதங்களை விவரித்து அது குறித்து எழும் வாதங்களை உடைத்தெறியும் நூல்)

ஒருபால் உறவில் ஈடுபட்ட ஊரை இறைவன் தலைகீழாகப் புரட்டினான். அவர்களை அழிப்பதற்காக இறைவன் நேரம் குறித்தான். அதிகாலை நேரம். அந்த அதிகாலை நேரம் வருவதற்கு வெகு நேரமா இருக்கிறது? என்ற அந்தக் கேள்வி நம்மை உலுக்குகிறது. ஒருபால் உறவில் ஈடுபட்டு வருபவர்கள் திருந்தி மீள்வ-தற்கு இறைவன் எழுப்பும் இந்த வினா ஒன்றே போதுமானது.
இது நமக்குத் தொடர்பில்லாத நூல். இதைப்படித்து என்னாவது? என்று கடந்துவிடாமல் நம் காலத்தில் நிலவும் பெரும் தீமையின் கோரத்தை உணர்வதற்காக நாம் ஒவ்வொரு-வரும் இந்த நூலை வாசிக்க வேண்டும். சமுதாயத்தைச் சீரழிக்கக் கிளம்பியுள்ள இந்த புற்று நோய்க் கட்டிகளை நாம் அகற்றுவதற்கான மருந்துதான் இந்த நூல். மனித இனத்தையே நாசப்படுத்தும் இந்தக் கொடும் அரக்கனுக்கு எதிராக நாம் ஏந்தும் ஆயுதம்தான் இந்த நூல். அந்த வகையில் ஒவ்வொரு-வரும் இந்த நூலை வாசிப்ப-துடன், மக்களுக்கு இத்தீமை குறித்த விழிப்பு உணர்வை ஏற்படுத்தவும் வேண்டும்.

Price: INR 50.00

Loading Updating cart…

இவர்கள் பார்வையில் நபிகள் நாயகம் (ஸல்)

தொல் திருமாவளவன், பேராசிரியர் அ.மார்க்ஸ்,
கவிஞர் ஈரோடு தமிழன்பன், தமிழருவி மணியன்,
பீட்டர் அல்போன்ஸ், லேனா தமிழ்வாணன், திருச்சி சிவா, சிலம்பொலி செல்லப்பன், கம்பம் செல்வேந்திரன் ஆகிய ஒன்பது ஆளுமைகள் நபி(ஸல்) அவர்களைக் குறித்து விரிவாகப் பேசியிருக்கின்றார்கள். ஒருவரின் கருத்தை ஒருவர் சொல்லவில்லை. ஒரேசெய்தி எங்குமே மீண்டும் மீண்டும் வரவில்லை. நபி(ஸல்) என்ற ஞானப் பெருங்கடலிலிருந்து எவ்வளவு செய்திகளையும் அள்ளிக்கொணரலாம் என்பதை இந்நூல் உணர்த்துகிறது. அள்ள அள்ள புதிதாய் சுரந்துபொங்கும் ஊற்றுப்போல செய்திகள் பெருகுகின்றன.

இந்த ஆளுமைகள் அண்ணலாரைப் பார்த்த பார்வை பெருமானாரின் மீதான பெருமதிப்பை நம்முள் பெருக்கெடுக்கச் செய்கிறது. அண்ணல் நபி(ஸல்) அவர்களைச் சொல்லச் சொல்லச் சொல் இனிக்கும். கேட்கும் செவி குளிரும். இதயம் நனைய கண்கள் பனிக்கும்.

இந்த நூலை வாசிக்கும் ஒவ்வொரு வாசகரின் மனதிலும் நபி(ஸல்) அவர்களைக் குறித்த மதிப்பீடு கோடி மடங்கு உயரும். பேரன்பு பெருக்கெடுக்கும். எண்ணி எண்ணி வியக்கத் தோன்றும்.

ஏராளமான வாழ்வியல் உதாரணங்கள் அண்ணலாரின் வாழ்வு முழுவதும் கொட்டிக்கிடக்கிறது. அந்த வகையில் இது வாசிப்பதற்கான நூல் மட்டுமல்ல; வாழ்க்கைக்கான நூலும்கூட.

Price: INR 60.00

Loading Updating cart…

அத்தியாயம் 13: அர்ரஃத் – அத்தியாயம் 14: இப்ராஹீம் தஃப்ஹீமுல்குர்ஆன் – திருக்குர்ஆன் விளக்கவுரை.

ஆசிரியர் : மௌலானா சையத் அபுல் அஃலா மௌதூதி (ரஹ்) தமிழில்: அப்ஜலுல் உலமா, மௌலவி M.I. முஹம்மது சித்தீக் உமரி, மதனி, M.A., M.Com. மனித குல வரலாற்றில் எத்தனையோ மதங்கள், பண்பாடுகள், நாகரிகங்கள் தோன்றி முத்திரை பதித்திருக்கின்றன; எழுச்சிக் காவியங்களை எழுதியிருக்கின்றன. காலப்போக்கில் சறுக்கி விழுந்து தொலைந்து அழிந்து சுவடுகள் கூட இல்லாமல் போய் இருக்கின்றன. ஆனால் பண்பாடுகளின் இந்த நீண்ட நெடிய வரலாற்றில் மார்க்கத்தைக் கட்டமைத்த, பண்பாட்டைப் பண்படுத்திய, நாகரிகத்தை செதுக்கியமைத்த, சமூகத்தை வார்த்தெடுத்த ஒற்றை நூல் ஒன்று உண்டு என்றால் அது குர்ஆன் மட்டுமே! குர்ஆனுக்கு மட்டும்தான் அந்தச் சிறப்பு! குர்ஆனைப் புரிந்து கொள்வதற்காக, அது முன் வைக்கின்ற அழைப்பை விளங்கிக் கொள்வதற்காக காலம்தோறும் விரிவுரைகள் எழுதப்பட்டிருக்கின்றன. இவை காலத்தை வென்று நிற்கின்றன. இந்தத் தொடரில் இருபதாம் நூற்றாண்டின் பிற்பகுதியில் மௌலானா சையத் அபுல் அஃலா மௌதூதி(ரஹ்) அவர்கள் எழுதிய தஃப்ஹீமுல் குர்ஆன் குறிப்பிடத்தக்கது. தஃப்ஹீமுல் குர்ஆன் – திருக்குர்ஆன் விளக்கவுரையை எழுதிய மௌலானா சையத் அபுல் அஃலா மௌதூதி(ரஹ்) அவர்கள் தற்கால இஸ்லாமிய எழுச்சியின் முதன்மைச் சிற்பியாக, இயக்கத் தலைவராக, சிந்தனையாளராக முத்திரை பதித்து நிற்கின்றார். குர்ஆன் விரிவுரை இலக்கியங்களில் தஃப்ஹீமுல் குர்ஆனுக்குத் தனி இடம் உண்டு. நவீனத்துவம், பாரம்பர்யம் போன்ற அளவுகோல்களைக் கொண்டு அதனை மதிப்பிடுவதும் சிரமமானதே! மறுமலர்ச்சியை ஏற்படுத்துகின்ற புரட்சிகரமான நூல் என்று அதனைச் சொல்வதுதான் பொருத்தமானதாக இருக்கும். ஆம். உலகெங்கும் எண்ணற்ற இஸ்லாமிய இளைஞர்கள், இளம்பெண்கள் மத்தியில் இஸ்லாமிய எழுச்சியை ஏற்படுத்துவதில் பெருவெற்றி பெற்ற நூல்தான் தஃப்ஹீமுல் குர்ஆன்..! உலகாயதச் சிந்தனைகளும், மேற்கத்திய இறைமறுப்புக் கோட்பாடுகளும் மனித மனங்களைச் சிதைத்து வந்த காலகட்டத்தில் மீண்டும் மக்களை இறைவாக்கின் பக்கம் மீளச் செய்த குர்ஆன் விரிவுரைதான் தஃப்ஹீமுல் குர்ஆன்..! இன்று உலகெங்கும் மிக அதிகமாக வாசிக்கப்படுகின்ற, பேசப்படுகின்ற குர்ஆன் விரிவுரைதான் தஃப்ஹீமுல் குர்ஆன்..! அரபி, ஆங்கிலம், இந்தி, கன்னடம், குஜராத்தி, சிங்களம், துருக்கி, தெலுங்கு, பார்ஸி, புஷ்து, மலையாளம், ஜெர்மன் என ஏராளமான மொழிகளில் இந்த நூல் மொழிபெயர்க்கப்பட்டிருக்கின்றது. இந்தச் சிறப்புமிக்க தஃப்ஹீமுல் குர்ஆன் தமிழிலும் மொழிபெயர்ப்பை தமிழ் கூறும் நல்லுலகுக்கு சமர்ப்பிக்கின்ற வாய்ப்பு கிடைத்தமைக்காக இறைவனுக்கு நன்றி செலுத்துகின்றோம்! இந்த அறப்பணியின் தொடக்கமாக அல் ஃபாத்திஹா, அல் கஹ்ஃபு ஆகிய இரண்டு அத்தியாயங்களின் விளக்கவுரை 2008 ஆகஸ்ட் மாதத்தில் வெளியிடப்பட்டது. தொடர்ந்து மர்யம், தாஹா ஆகிய அத்தியாயங்களுக்கான விளக்கவுரைகள் முறையே 2009 ஜனவரி, ஜூலை மாதங்களில் வெளியாயின. அதன் தொடர்ச்சியாக ‘அல் அஃராஃப், அத்தியாயம் 13: அர்ரஃத் – அத்தியாயம் 14: இப்ராஹீம் ’ அத்தியாயத்தின் விளக்கவுரை இப்போது உங்கள் கைகளில்! இனி வருங்காலங்களில் பிற அத்தியாயங்களையும் ஒன்றன்பின் ஒன்றாக வெளியிடத் திட்டமிட்டுள்ளோம், இன்ஷா அல்லாஹ்! இளைஞர்கள், இளம்பெண்கள், குடும்பத் தலைவிகள், ஆலிம்கள் என எல்லாருடைய கைகளிலும் இந்த நூல் தவழ வேண்டும் என்பது எங்கள் பேரவா! வாசியுங்கள்! மற்றவர்களுக்கும் வாசிக்கக் கொடுங்கள்! எண்ணங்கள் ஈடேற இறையருள் துணை நிற்கட்டும்!

Price: INR 130.00

Loading Updating cart…

முஸ்லிம் தனியார் சட்டமும் முஸ்லிம்களின் பொறுப்புகளும் – டாக்டர் ரஜீயுல் இஸ்லாம் நத்வி

முஸ்லிம் தனியார் சட்டத்தின்மீது கவனத்தைச் செலுத்துவதும் விழிப்பு உணர்வை ஏற்படுத்துவதும் முஸ்லிம்கள் இஸ்லாமியச் சட்டங்-களின்படி செயல்படுகின்ற உணர்வை, தெளிவை ஏற்படுத்துவதும், முஸ்லிம்களின் குடும்பச் சட்டங்கள் குர்ஆனியக் கட்டளைகளின் ஒரு பகுதி, நீதியும் நேர்மையும் செறிந்தவை என்பதை நாட்டின் இதர சகோதர சமுதாயங்-களைச் சேர்ந்த மக்களுக்குப் புரிய வைப்பதும் இந்நூலின் நோக்கமாகும்.

– டாக்டர்  ரஜீயுல் இஸ்லாம் நத்வி

Price: INR 40.00

Loading Updating cart…

முஸ்லிம் பெண்களின் பிரச்னைகளும் தீர்வுகளும் – அத்தியா சித்தீகா

இஸ்லாமியக் குடும்ப அமைப்பு குறித்துப் பலவித குறைகள் அடிக்கடி எழுப்பப்பட்டு வந்துள்ளன. இன்றைக்கு முத்தலாக், பலதார மணம் ஹலாலா போன்றவற்றைக் குறிப்பிட்டு ஒட்டுமொத்த தேசத்திலும் ஊடகங்கள் மூலமாகத் தவறான கருத்துகள் பரப்பப்படுகின்றன. இப்படி இஸ்லாமிய போதனைகள் மீது ஆட்சேபங்கள் கிளப்பப்படுவதற்கான முதற்காரணம் முஸ்லிம் சமூகம் சீர்குலைந்து கிடப்பதுதான். இறைவனால் அருளப்பட்ட போதனைகளைக் கைவிட்டதனால் தான் இன்று நெருக்கடியான சூழ்நிலைக்குத் தள்ளப்பட்டிருக்கிறோம்.
இந்த உண்மைகளை உணர்த்தி, முஸ்லிம் பெண்களுக்கு ஏற்பட்டுள்ள பிரச்னைகளை எடுத்துக்காட்டி, அவற்றுக்குரிய தீர்வுகளையும் கூறியுள்ளார் ஆசிரியர் அத்தியா சித்தீகா அவர்கள்.

Price: INR 25.00

Sorry, sold out!

Loading Updating cart…

இறைநம்பிக்கையாளர்களின் அன்னையர்

அன்னையரின் வாழ்வு குறித்து இத்தனைச் சுருக்கமான –  ஆனால் நிறைவான Read the rest of this entry »

Price: INR 18.00

Loading Updating cart…

மாறியது நெஞ்சம் மாற்றியது குர்ஆன்

குர்ஆன் வெறுமனே தத்துவார்த்தமான நூல் கிடையாது. வாழ்ந்து பார்க்க வேண்டிய நடைமுறை நூல் ஆகும். இதன்படி வாரம்தோறும் ஒரு வசனத்தின் அடிப்படையில் வாழ முயல்வது என்கிற திட்டத்தின்படிச் செயல்படத் தொடங்கினார்கள். இவ்வாறாக வகுப்புக்கு வருபவர்கள் தங்களின் சொந்தப் பிரச்னை ஒன்றைச் சொல்ல, அவர்களுக்கு சுமைய்யா ரமளான் அவர்கள் பொருத்தமான வசனத்தைப் பரிந்துரைப்பார்.

பணி சிறியதுதான். ஆனால் விளைவோ மிகச் சிறப்பாக வெளிப்பட்டது. பெரும்பாலான பிரச்னைகள் தீர்க்கப்பட்டன. பல்வேறு இன்னல்கள் முடிவுக்கு வந்தன. மன அமைதி, நிம்மதி எனும் மிகப்பெரிய செல்வம் கிட்டியது. குடும்பச் சண்டைகள் குறைந்தன. பிரிந்த குடும்பங்கள் இணைந்தன. கோபதாபங்கள் நீங்கி மகிழ்ச்சி கிடைத்தது. கணவர்கள் தங்களது மனைவியரில் ஏற்பட்ட மாற்றங்களைப் பாராட்டியதுடன் அதனை மகிழ்ச்சிகரமான புரட்சி என்றும் வர்ணித்தனர்.

குர்ஆன்படி வாழ விரும்புகின்ற ஒவ்வொருவரும் வாசிக்க வேண்டிய இனிய நூல்தான் “மாறியது நெஞ்சம் மாற்றியது குர்ஆன்”.

Price: INR 140.00

Loading Updating cart…

திருக்குர்ஆனில் மறுமை

தென்னகத்து இஸ்லாமியப் பேரறிஞர்களில் தலைசிறந்தவரான கேரளாவைச் சேர்ந்த K.C. அப்துல்லாஹ் மௌலவி அவர்கள் எழுதிய ‘பரலோகம் குர்ஆனில்’ எனும் மலையாள நூலின் தமிழாக்கம்தான் இந்நூல். மூதறிஞர் K.C. அப்துல்லாஹ் மௌலவி அவர்கள் சிறந்த சொற்பொழிவாளர், பன்னூலாசிரியர். இஸ்லாமிய இயக்கத்தின் குறிப்பிடத்தக்கத் தலைவர்களில் ஒருவர். ஏராளமான செயல் வீரர்களை உருவாக்கியவர். அவர் எழுதிய ‘அல்லாஹ் குர்ஆனில்’, ‘நபிமார்கள் குர்ஆனில்’ எனும் நூல்கள் மிகவும் புகழ்பெற்றவை. ‘பரலோகம் குர்ஆனில்’ எனும் நூலை அவர் ஒரு மாறுபட்ட கோணத்தில் எழுதியுள்ளார்.
இஸ்லாத்தின் மறுமைக் கோட்பாட்டை உறுதியாக நம்பும் முஸ்லிம்கள் அது பற்றிய செய்திகளைக் குர்ஆனிலிருந்தும் நபிமொழிகளிலிருந்தும் குறைந்த அளவே தெரிந்து வைத்திருக்கிறார்கள்.
எனினும், இந்த நூலில் மறுமை நிகழ்வுக் காட்சிகளை குர்ஆன்-ஹதீஸ் செய்திகளின் அடிப்படையில் நம் மனக் கண் முன் கொண்டு வந்து நிறுத்துகிறார் மௌலவி அவர்கள். ஒவ்வொரு செய்திக்கான வசனங்களையும் தந்துவிட்டு அதை, நாம் உரையாடும் பாணியில் வித்தியாசமாக விவரிக்கிறார். கூடவே, இறைத்தூதரின் சொற்களைச் சரியான முறையில் அங்கு பொருத்திவிடுகிறார்.
உலக அழிவு, மறுமை என்னும் நிகழ்வுகளைத் திருக்குர்ஆனில் சீரான வரிசைப்படி பார்க்க இயலாது. மௌலானா அந்த நிகழ்ச்சிகளை வரிசைப்படுத்தி, மறுமையை நோக்கிய ஒரு பயணத்திற்கு அழைத்துச் செல்கிறார். இதன் மூலம் மறுமையை நம்பியிருக்கும் உள்ளங்களுக்கு அது மேலும் உறுதியைத் தருகிறது. நம்பாதவர்களுக்கோ, நம்பிக்கைக்கான வாசலைத் திறந்து விடுகிறது.

Price: INR 210.00

Loading Updating cart…

அத்தியாயம் 4 : அன்னிஸா தஃப்ஹீமுல்குர்ஆன் – திருக்குர்ஆன் விளக்கவுரை

அத்தியாயம் ‘அன்னிஸா’ மனித இனத்திற்கு, பல சட்டங்களையும் ஒழுக்கங்களையும் விளக்கும் நிரந்தர சட்டமாக அமைந்திருக்கிறது. இஸ்லாமிய சமூகத்தைக் கட்டுக்கோப்புடன் செழித்தோங்கச் செய்வது எப்படி, இஸ்லாத்துக்கு முந்தைய அறியாமை வழிமுறை-களை-யெல்லாம் முழுக்க ஒழித்து விட்டு ஒழுக்கம், பண்பாடு, சமூகவியல், பொருளியல் போன்றவற்றுக்கான புதிய கொள்கைகளையும் வழிமுறைகளையும் நடைமுறைப்படுத்துவது எப்படி போன்ற வினாக்களுக்கு விளக்கங்களைத் தந்து அனைவரும் புரிந்து கொள்ளும் வகையில் விளக்கவுரை அமைந்துள்ளது.
மேலும், ‘அன்னிஸா’ அத்தியாயம் முக்கியமான அம்சங்-களான அநாதைகள் பராமரிப்பு, அவர்களின் சொத்துப் பாதுகாப்பு, பலதாரமணம், பெண்களின் சொத்துரிமை, இல்லறத்தில் ஏற்படும் பிரச்னைகள், அவற்றுக்கான தீர்வுகள், பெண்-களுக்கு இஸ்லாம் வழங்கியுள்ள உரிமைகள், உறவினரை அரவணைத்துச் செல்லல், பாகப்பிரிவினைச் சட்டங்கள், நேர்மையான வருமானம், நாணயமான வணிகம், சிறிய பெரிய பாவங்கள்  அவற்றின் தீர்வுகள், பெற்றோருக்கு ஆற்ற வேண்டிய கடமைகள் போன்றவற்றை விரிவாகக் கூறுகின்றது.
இன்னும், அரபு இணை வைப்பாளர்கள், யூதக் குலத்த-வர்கள், நயவஞ்சகர்கள் போன்றவர்களின் தீவிர எதிர்ப்புக்கு பதிலளிக்கும் விதமாகவும் அமைந்துள்ளது. இந்த எதிர்ப்புச் சக்திகளின் பகைமையையும் மீறி இஸ்லாத்தின் அழைப்பைப் பரப்புவது, புதிய நல்லுள்ளங்களை இஸ்லாத்தின் பக்கம் ஈர்ப்பது எப்படி என்பதை உணர்த்துவதாகவும் வசனங்கள் இடம் பெற்றுள்ளன.
இந்த அனைத்து விவரங்களையும் அனைவரும் புரிந்து கொள்ளும் வகையில் இந்த விளக்கவுரை அமைந்திருக்-கின்றது. இவ்வுலகில் இன்ப வாழ்வை அனுபவித்து மறுமை-யில் வெற்றியைப் பெற விரும்புவோர் ஒரு முறைக்குப் பலமுறை படித்துச் சிந்தித்து செயற்புரிய இந்த ‘அன்னிஸா’ அத்தியாயமும் விளக்கவுரையும் உதவும் என்று நம்புகிறோம்.

Price: INR 200.00

Loading Updating cart…
Sale

HAJJ UMRA PACKAGE

Old Price: INR 215.00

Price: INR 160.00

Loading Updating cart…

வேதவரிகளும் தூதர் மொழிகளும் – 2

Dr. K.V.S. ஹபீப் முஹம்மத்

திருக்குர்ஆன் ஒரு பொறியியல் வல்லுநரின் வரைபடத்திற்கு (Blue Print) ஒப்பானது. நபிகள் நாயகம் (ஸல்) அவர்களின் வாழ்வும் வாக்கும் வரைபடத்தின் அடிப்படையில் உருவாக்கப்பட்ட கட்டிடத்திற்கு ஒப்பானது. அடிப்படைகளைக் குர்ஆன் வழங்குகிறது. விரிவான விதிமுறைகளை நபி வழங்குவார். இந்தக் கோட்பாடுகள் நபிகள் நாயகம் காலத்திலேயே நிறைவேற்றப்பட்டு விட்டன. அறியாமையிலும் ஆதிக்க உணர்வுகளிலும் மனித உரிமை மீறல்களிலும் சமூக அரசியல் பொருளாதாரச் சுரண்டல்களிலும் மூழ்கியிருந்த சமூகத்தை 23 ஆண்டுகளுக்குள் இஸ்லாம் மாற்றி அமைத்தது. பின்னர் உலகெங்கும் பரவி அதன் தாக்கத்தை ஏற்படுத்தியது; ஏற்படுத்தி வருகிறது.
இறைவாக்கு ‘குர்ஆன்’ என்றும், நபிகளாரின் வாழ்வும் வாக்கும் ‘ஹதீஸ்’ என்றும் அழைக்கப்படும். சில ஆயிரம் பக்கங்களில் விரிந்து கிடக்கும் இஸ்லாமியக் கருத்துகள் எல்லாரும் அறிந்திடும் வண்ணம் சுருக்கமாக இந்த நூலில் தரப் பட்டுள்ளன. முஸ்லிம்களும் முஸ்லிமல்லாதார்களும் புரிந்து கொள்ளும் வண்ணம் தனித் தனித் தலைப்புகளின்கீழ் தொகுக்கப்பட்டுள்ளது. சொற்பொழிவு ஆற்றுவோருக்கும் கட்டுரைகள் எழுதுவோருக்கும் ஒரு குறிப்பிட்ட விஷயத்தைக் குறித்து இஸ்லாத்தின் பார்வை என்ன என்பதை எளிதில் அறியும் வகையில் ஆக்கப்பட்டுள்ளது. இந்த நூலின் முதல் பகுதி 25 ஆண்டுகளுக்கு முன் வெளியிடப்பட்டு மக்களின் பேராதரவைப் பெற்றது. பல பதிப்புகளைக் கண்டது.

Price: INR 200.00

Loading Updating cart…

இஸ்லாம் ஒரு நடுநிலை மார்க்கம்

அழைப்பாளர்களின் மொழியில் இஸ்லாம் என்ற இலங்கை நூலின் தமிழ் பதிப்பு

இஸ்லாம் ஒரு நடுநிலை மார்க்கம்

டாக்டர் யூஸுஃப் அல்கர்ழாவி

இன்றைய அழைப்பாளர்களின் அழைப்பு மொழியின் தரத்தை அல்லாமா யூஸுப் அல்கர்ழாவி அவர்கள் சிறப்பாகப் படம்பிடித்துக் காட்டியுள்ளார்கள். இன்னும் அழைப்பு மொழியின் தரத்தை நெறிப்படுத்துவதற்கு அற்புதமான வழிமுறையையும் காண்பித்திருக்கிறார்கள். இவற்றை அழைப்பாளர்கள் கடைப்பிடிப்பதன் மூலம் அவர்களின் அழைப்பு மொழியில் தாக்கம் ஏற்படும் என்று நம்பலாம்.
டாக்டர் யூஸுப் அல்கர்ழாவி அவர்களின் அரபு நூலை இலங்கை ஜமாஅத்தே இஸ்லாமியின் அமீர் உஸ்தாத் ரஷீத் ஹஜ்ஜுல் அக்பர் அவர்கள் தமிழ் வடிவமாக ‘அழைப்பாளர்களின் மொழியில் இஸ்லாம்’ என்று தந்திருக்கிறார்கள். அதனை இந்தியத் துணைக் கண்டத்திலும் தமிழ் மக்களுக்கு இடையிலும் பரவலாக்க வேண்டும், அதன் மூலம் அழைப்பாளர்களின் மொழியில் மட்டுமல்ல, அனைத்து முஸ்லிம்கள் மத்தியிலும் விழிப்பு உணர்ச்சியும் எழுச்சியும் உருவாக வேண்டும் என்ற எண்ணத்தில் இந்த நூலை ‘இஸ்லாம் ஒரு நடுநிலை மார்க்கம்’ எனும் தலைப்பில் வெளியிடுகின்றோம்.

Price: INR 150.00

Loading Updating cart…

அழைப்பாளர் கையேடு

அழைப்பின் வழியில் அலைக்கழியாத பயணம், இலங்கை நூலின் தமிழ் பதிப்பு

அழைப்பாளர் கையேடு
உஸ்தாத் ரஷீத் ஹஜ்ஜுல் அக்பர்

இஸ்லாமிய மக்கள் இன்று எவ்வளவு தூரம் பிறரால் அலைக்கழிக்கப்பட முடியுமோ அவ்வளவு தூரம் அலைக்கழிக்கப்பட்டு வருகிறார்கள். காரணம், புரிந்து செயல்படுவதில் ஏற்பட்டுள்ள பாதிப்பே. இஸ்லாம் அல்லாஹ்வுடைய மார்க்கம்,
அல்லாஹ்வினால் பாதுகாக்கப்படும் மார்க்கம். அதனால், எவ்வளவுதான் அலைக்கழிக்கப்பட்டாலும் பயணம் பாதுகாப்பாகவே முடியும். என்றாலும் நம்மீதும் கடமைகள் இருக்கின்றன, அலைக்கழிக்கப்படுவதில் இருந்து தாக்குப் பிடிப்பதற்கு நாமும் முயற்சி செய்ய வேண்டியவர்களாக இருக்கிறோம்.
அந்த முயற்சியை எடுத்துச் செல்பவர்களாக அழைப்பாளர்கள் விளங்குகிறார்கள். அவர்கள் சரியான முறையில் புரிந்து மக்களை அமைதியான பயணத்திற்கு இட்டுச் செல்ல வேண்டியவர்களாக இருக்கிறார்கள். அதற்கு உதவும் விதத்தில் இந்த ‘அழைப்பின் வழியில் அலைக்கழியாத பயணம்’ என்ற நூலை இலங்கை ஜமாஅத்தே இஸ்லாமியின் அமீர் உஸ்தாத் ரஷீத் ஹஜ்ஜுல் அக்பர் அவர்கள் எழுதியிருக்கிறார்கள். இந்த நூலை தமிழ் வாசகர்கள் மொழிநடைக்கு ஏற்றவாறு மாற்றம் செய்து ‘அழைப்பாளர் கையேடு’ எனும் தலைப்பில் வெளியிடுவதில் மகிழ்ச்சி அடைகிறோம்.

Price: INR 70.00

Loading Updating cart…

துரூஸுல் லுகா அல்-அரபிய்யா லி கைரின் நாதிகீன பிஹா’ நூலுக்கான திறவுகோல் (பாகம் 1) (Duplicate)

சுயமாக அரபி மொழியைக் கற்றுக் கொள்ள நாடுவோர்க்கு இந்த நூல் பெரிதும் உதவும்.

டாக்டர் V. அப்துர் ரஹீம்

ISBN 978  81 232 0151 6

Price: INR 60.00

Loading Updating cart…

இஸ்லாம் ஓர் அருள்நெறி

அனைத்து மக்களின் தேட்டங்களையும், தேவைகளையும் நிறைவு செய்யக்கூடிய – அனைவருடைய மனசாட்சியும் பகுத்தறிவும் ஏற்றுக்கொள்ளக்கூடிய – நீதியையும் நேர்மையையும் மன அமைதியையும் அளிக்கக்கூடிய ஒரு நெறி உண்டென்றால் அதனை நாம் ‘அருள் நெறி’ என்று கூறலாம்; அதனை ஏற்றுக் கொள்ளலாம்.

அத்தகைய ஓர் அருள்நெறி உலகில் உள்ளதா என்ற அடிப்படை வினாவிற்கு அறிவார்ந்த ரீதியில் நடு நிலையோடு ஆராய்ந்து தெளிவுடன் ஒரு முடிவு காண உறுதுணை செய்கிறது இந்த நூல்.

Price: INR 50.00

Loading Updating cart…